ابڙو اڪيڊمي Abro Academy
2020-07-22
داخلا نمبر 609
عنوان ٽيٽيهر (ڳاڙهي پاپڙيءَ وارو)
شاخ پکي
پڙهيو ويو 339
داخلا جو حوالو:
ٽيٽيهر (ڳاڙهي پاپڙيءَ وارو)
33 سينٽي ميٽر جسامت واري هن ٽيٽيهر جا نرماد هڪجهڙا ٿين ٿا. ان جو مٿو، ڪنڌ، ڳچي ۽ گلو ڪارو ٿئي ٿو. اک کان ڪياڙيءَ وٽان ڪلهن کان ٿيندو پيٽ ۽ سڄو هيٺيون حصو اڇو ٿئيس ٿو. نَڪ تي ڳاڙهي پاپڙي ۽ پڦٺي ۽ پَـر سليٽي رنگ جا اٿس. پَـرن تي ڪي قدر ڪٿئي رنگ جا چمڪدار کنڀ ٿينس ٿا.
هي پکي پوکن ۽ کليل ڇَر وارن علائقن ۾ عام ٿئي ٿو. ٻوليءَ ۾ شور اٿس ۽ هڪ ئي وقت ۾ چار زوردار ڦرڻيون چيخون ڪندو آهي. اڪثر جوڙيءَ ۾ ڏسبو آهي. اڏام جو ڍرو آهي جيئن اڪثر ٻين ٽيٽن جي اڏار هوندي آهي. گول پَـر زور سان ڦڙڪائيندو آهي. مادي زمين يا گاهه تي ٽي چار چٽڪمرا آنا ڏيندي آهي.